Almaty oblysynyń órt sóndirýshileri jer úıden kisi qolynan qaza bolǵan áıel men onyń eki balasynyń máıiti tabyldy.
Polısıa departamentiniń habarlaýynsha, 14 qyrkúıekte saǵat 23:24-te İle aýdanynyń Polısıa basqarmasyna Ashybulaq aýylyndaǵy úılerdiń birindegi órtten keıin K. men onyń eki kámeletke tolmaǵan balasynyń zorlyq-zombylyq belgileri kórinetin máıitteri tabylǵany týraly aqparat túsken.
Oqıǵa ornyna jetken órt sóndirýshiler úıden úsh adamnyń máıitin tapty.
"Órtti sóndirý kezinde oqıǵa ornynan 1981 jylǵy áıel men onyń 2010 jáne 2016 jylǵy eki balasynyń máıiti tabyldy. Denelerinde zorlyq-zombylyq belgileri bar. Órt sóndirildi, jalyn 124 sharshy metr aýmaqty sharpyǵan", - dep málimdedi Almaty oblysy TJD baspasóz qyzmeti.
Óńir polısıasy aqparatty rastady, Qylmystyq kodekstiń 99-baby (Kisi óltirý) boıynsha tergeý bastalǵan.
"Qazir kúdiktini anyqtaý jáne ustaý boıynsha jedel-izdestirý jumystary júrgizilip jatyr. Barlyq aýdandyq polısıa bólimshesine jáne kórshiles óńirlerdiń polısıa departamentterine baǵdarlar joldandy", - dedi Almaty oblystyq polısıasynyń basshysy Baýyrjan Álenov.
Túpkilikti prosestik sheshim qabyldaý úshin barlyq qajetti saraptama jasalady, tergeý sharalary júrgizilýde.
Pikir qaldyrý