15 adamdy óltirdi dep ómir boıyna sottalǵan Vladıslav Chelahtan memlekettik organdarǵa jylda isin qaıta qaraý boıynsha úzdiksiz ótinish túsip jatyr, dep habarlaıdy KTK.
Alaıda elimizdiń Bas áskerı prokýrory on jyl buryn sottalǵan shekarashanyń aryzynda esh jańa derek joq, sol sebepti ony qaıta qaraýǵa da negiz joq dep kesip aıtty.
"Bizge jyl saıyn Chelahtan aryz túsedi. Jańa bir derek, dáıekterdi kórsete me dep, ony janjaqty qarastyramyz. Alaıda ol eski derekterdi jazyp jatyr, is boıynsha jańalyq joq. Munda másele keıbir psıhologıalyq ereksheliktermen baılanysty bolýy múmkin. Belgilengen tártip bar, mezgil saıyn kýálandyrý júrgiziledi, onyń shaǵymdary organdarǵa jiberiledi", - deıdi Bas áskerı prokýror Dastan Sákenov.
Saraptama ony psıhıkalyq turǵydan saý dep tapty. 2012 jyldyń mamyr aıynda qazaq-qytaı shekarasyndaǵy "Arqankergen" zastavasynda 14 shekarashy men bir ormanshynyń máıiti tabylǵan bolatyn.
Birneshe kúnnen keıin sarbaz Vladıslav Chelah ustaldy. Tergeý málimetinshe, Chelah aldymen sarbazdardy atyp, keıin kazarmanyń túgin qaldyrmaı órtep jibergen. Sot sheshimimen Chelah ómir boıyna bas bostandyǵynan aırylyp, jazasyn Qostanaıdaǵy túrmede ótep jatyr.
Pikir qaldyrý