Jaqynda Ónerkásip jáne qurylys mınıstri bolǵan Qanat Sharlapaev jýrnalıserdiń suraqtaryna jaýap berip, birneshe ýáde berdi. Úkimette ótken brıfıń kezinde jýrnalıser mınıstrdiń shetelde dúnıege kelgenin aıtyp, qazaqsha biletinin synap kórdi. 

«Men qazir ózim qazaq tilin meńgerip jatyrmyn. Aptasyna 5 ret sabaq alam, muǵalim keledi, sonymen qazaqsha sabaq alam. Eń aldymen, men eshqandaı bóten, ózge adam emespin. Men Qazaqstanǵa qaıtyp kelgen qandaspyn», - dedi Qanat Sharlapaev.

Budan bólek mınıstr burynǵy jumys istegen orny "Báıterek" holdıńinen óz komandasyn ákelmeıtinin aıtty. 

"Kelgeli bir adamdy da ózgertken joqpyn. Qandaı áriptesterim boldy, bári qaldy. Mınıstrlikte de bul nárse saqtalady. Men ózimniń vıse-mınıstrlerimdi ózgertpeımin, óz jumysyn biletin adamdarmen jumys isteımin", - dedi mınıstr.

Qanat Sharlapaev 1981 jyly Reseıdiń Saratov oblysynda dúnıege kelgen. Buǵan deıin  Reseı jáne Ulybrıtanıa azamaty bolǵan mınıstr qazir Qazaqstan azamaty. Ónerkásip mınıstri qyzmetine taǵaıyndalǵanǵa deıin "Báıterek" ulttyq basqarýshy holdıńi" AQ basqarma tóraǵasy boldy.