25 qyrkúıek kúni keshki ýaqytta Petropavl qalasyndaǵy jekemenshik úı órtendi. Soltústik Qazaqstan oblysy tótenshe jaǵdaılar departamenti habarlaýynsha, órt sóndirýshiler órtengen úıden bir áıel men 2 balanyń denesin tapqan. 

Qaza tapqan áıel 2003 jylǵy, al sábıler 2018 jáne 2022 jyly týǵan, dep jazady "Petropavlovsk.news" aqparattyq agenttigi. 

"Órt shyqqan kezde sol úıde turatyn qyzdyń biri terezeni syndyryp, syrtqa shyqqan. Qaza tapqan áıel men sábılerdi de terezeden shyǵarmaqshy bolǵan. Alaıda olar esikten shyǵamyz dep oılaǵan. Alaıda úlgermegen", deıdi memlekettik órt baqylaý basqarmasynyń bastyǵy azamattyq qorǵaý podpolkovnıgi Aslan Ahmetjanov. 

Qazir tergeýshiler úıdiń ıesi men órttiń sebebin anyqtaý úshin tergeý jumystary júrgizilip jatyr.