Shymkentte úlken sot prosesi ótti. Saýd Arabıasyndaǵy qasıetti mekenge baramyz dep aldanǵan Almaty men Shymkent turǵyndary fırmaǵa myń dollardan kem túspeıtin aqsha salǵan. Qajylyqqa tirkelgenderdiń bir qatary elden ushyp kete almasa, bir toby shetelde qarajatsyz, as-sýsyz qalyp qoıdy.

Sot bastalar aldynda sottalýshy jýrnalısermen sóılesip, istiń jaı-japsaryn bóliskisi keletinin bildirdi.

«Ulttyq qaýipsizdik komıtetine, Shymkent qalalyq İİB-ne, quzyrly organdarǵa aryz jazdym. Bul iske Bekbolat Tileýhanovty da qosý kerek. Ol aldanǵan adamdardyń aqshasyn túgel alyp ketken, biraq qandaı da bir sebeptermen bul is boıynsha aıyptalmaı otyr», – dedi sottalýshy sot bastalar aldynda.

Sotta 300-ge jýyq adam kýáger boldy. Zardap shekkender budan da kóp bolýy múmkin. Sot otyrysynda prokýror 4 jyl 8 aıǵa bas bostandyǵynan aıyrýdy surady.

«Sottyń úkimimen sottalýshy kináli dep tanylyp, 6 jylǵa bas bostandyǵynan aıyryldy. Jazasyn qaýipsizdigi ortasha mekemede óteıdi», – dep úkimdi sýdıa Aınel Oraqbaeva oqydy.

Týrısik agenttik dırektory óz kinásin moıyndamady.

Esterińizge sala keteıik, janjal osy jyldyń qańtar aıynda boldy. Sot prosesi shilde aıynda bastaldy. Sot bul is boıynsha jábirlenýshiler men kýágerlerden eki aıǵa jýyq jaýap alǵan.