Reseı men AQSH arasyndaǵy túsinbeýshilik túıinin tabar emes. «Eksperıment polıgonyna» aınalǵan Sırıa memleketindegi janjalǵa qatysty taǵy bir shý shyǵyp otyr. Máskeý eldiń premer-mınıstri Medvedevti Aq úıge jibermek bolǵan. Maqsat- bireý. Máskeý Sırıadaǵy qaqtyǵysta «IGIL»-ge qarsy kúreste  AQSH-tan kómek surady. Alaıda Aq úıdiń baspasóz hatshysy Djosh Ernest Máskeýdiń bul qadamyn sharasyzdyq  dep atap otyr. Sonymen qatar, olar Dmıtrıı Medvedevti qabyldaýdan bas tartty.

            Osyǵan oraı reseılik Premer týǵan kúni qarsańynda Aq úıdiń aýlasynan qaıtty deýge tolyq negiz bar.

            Vashıngton men Máskeý  Sırıada áýe shabýyldaryn jasap jatqandyqtan eki el áskerıleriniń «abaısyzdyqtan qaqtyǵysyp qalýyn boldyrmaý» týraly kelissóz jasasyp jatqan. Alaıdy kelissózdi keńeıtýge AQSH qarsy. Sebebi olar Máskeýdiń Bashar Asadty qoldaǵanyn qalamaı otyr.

            Máskeýdiń sharasyzdyqtan mundaı qadamǵa barýy kútilgen dúnıe dep habarlaıdy Vashıngton.

            Máskeý óz kezeginde kelissózder  mejesine jetpegenin «ókinishti» dep baǵalady.