«Mirjaqyp. Oıan, qazaq!» fılminiń kınoteatrlardaǵy kórsetilim merzimin taǵy bir aptaǵa sozdy. Bul týraly QAZAQSTAN teleradıokorporasıasy habarlady.
«Qazaqstan» teleradıokorporasıasy aýdıtorıa suranysyna baılanysty «Mirjaqyp. Oıan, qazaq!» fılminiń kınoteatrlardaǵy kórsetilim merzimin taǵy bir aptaǵa uzartty «Mirjaqyp. Oıan, qazaq!» fılmi ótken jyly Korporasıanyń tolyqtaı memlekettik tapsyrys negizinde túsirilgen 6 serıaly telehıkaıadan daıyndaǵan kınotýyndysy. Iaǵnı, fılm memlekettik qarajat esebinen túsirildi. Kelisimshartqa sáıkes fılm 21 qyrkúıekten bastap barlyq qalalardaǵy úlken ekrandarda 15 kún boıy prokatta júrdi.
Budan buryn bir ret suranysqa sáıkes kórsetilim 4 kúnge uzartylǵan edi», delingen Qazaqstan ulttyq telearnasynyń habarlamasynda.
Buǵan deıin «Mirjaqyp. Oıan, qazaq!» fılmi kınoteatrlardaǵy prokattan alynǵany kópshiliktiń narazylyǵyn týdyrǵan edi. Fılmniń rejıseri Murat Esjan prokat merzimi aıaqtalǵanyn aıtqan.
Pikir qaldyrý