Búgin Úkimet saǵatynda mindetti áleýmettik medısınalyq saqtandyrý júıesine qatysty máseleler talqylandy. Májilis depýtaty Asqat Aımaǵambetov medısınalyq saqtandyrý júıesine halyqtyń senimi azaıǵanyn aıtty.

“Jyldar ótti, kazaqstandyqtar aı saıyn qorǵa jarnasyn tóleýde, biraq sol úmit aqtaldy ma? Qyzmet sapasy josparǵa saı artty ma?

Óńirlerge barǵanda, aýrýhanalardy aralap, saılaýshylarymyzben, eksperttermen, qarapaıym dárigerlermen bolǵan kezdesýlerden, júrgizgen zertteýlerimizden túıgenimiz - problemalar tolyq sheshilmegen”, dedi Asqat Aımaǵambetov.

Onyń aıtýynsha, qazir medısınanyń sapasynan bólek qarapaıym qoljetilimdigine zar bolyp qaldyq.

“Qazaqstandyqtardyń óz qaltasynan emdelýge jumsaıtyn qarajattary azaıýdyń ornyna, tek sońǵy 2 jylda 27,7% - dan 31,1% - ǵa deıin ósti. Aýrýhanalardyń kredıtorlyq bereshegi kóbeıdi, azamattarymyzdyń medısınalyq kómek alý ýaqyty uzardy, sapa tómendedi.

Osyǵan oraı MÁMS ıdeıasynyń bedeli túsip, tipti osy júıege senbegendikten, birshama adam ony joıýdy talap etýde. 

 Ókinishke qaraı, búgingi tańda MÁMS qory saqtandyrý prınsıpteriniń negizindegi qor ornyna, jaı ǵana qarapaıym búdjetten tys qorǵa aınaldy”, dedi depýtat.