Búgingi májiliste ótken Úkimet otyrysynda Nartaı Aralbaıuly jeke klınıkalardyń qymbat ekenin, baǵalardy retke keltirý keregin aıtyp Densaýlyq saqtaý mınıstrine saýal joldady.

“Máseleler aıtyldy. Biraq munyń barlyǵy ýaqytty, aılar men jyldardy talap etedi.Al Qazaqstandaǵy bıliktiń qaınar kózi sanalatyn halyqtyń naqty sheshýdi talap etetin birqatar máselesi bar. Óıtkeni kez kelgen salada sheshimdi Astananyń sol jaǵalaýynda qabyldaǵanmen onymen ómir súretin halyq ekenin umytpaýymyz kerek. Azamattar jeke klınıkada emdelýge májbúr bolady. Alaıda jeke klınıkadaǵy baǵalardy kórgen adam óziniń aýrýyn umytyp qalady. Jeke klınıkadaǵy baǵalardy qalaı baqylaýda ustaýǵa bolady?”, dedi depýtat.

Mınıstr Ajar Ǵınaıattyń aıtýynsha, jeke klınıkadaǵy baǵalardy shekteý múmkin emes.

“Biz úkimettiń tarapynan dári dármektiń baǵasyna ǵana shekteý qoıa alamyz. Al dárigerdiń qyzmet aqysyn shekteý jasaı almaımyz. Tek qana memlekettik mekemeniń baǵalaryn baqylaı alamyz. Al jekemenshikterge qatysty ondaı quzyretimiz joq” dedi Ajar Ǵınaıat.