Bıyl qańtar – tamyz aralyǵynda Qazaqstanda sybaılas jemqorlyq qylmysyn jasaǵan 748 adam ustalypty.

Óńirler boıynsha jiktegende jemqorlyq jasap jibergenderdiń kóbi Shymkent qalasynan shyǵypty: 120 adam. (byltyrǵydan birden 44,6% artyq).

Odan keıin Almaty (97 adam), Astana (84 adam) qalalary, Qostanaı (48 adam), Aqtóbe, Almaty jáne Túrkistan (ár oblysta 38 adam) oblystary.

Sybaılas jemqorlyqpen eń az adam ustalǵan óńirler Ulytaý (9 adam), Abaı (12 adam) jáne Qyzylorda (13 adam) oblystary.

Jemqorlardyń 32%-y para alý jáne berý kezinde ustaldy.

Jemqor sheneýnikter arasynda «tanymal» baptar: alaıaqtyq (131 adam, 54,1% kóbeıgen), bótenniń senip tapsyrylǵan múlkin ıemdený nemese jymqyrý (44 adam, 12% azaıǵan), laýazymdyq ókilettikterdi asyra paıdalaný (41 adam, 95,2% kóbeıgen).