Depýtat Baqytjan Bazarbek mınıstrden densaýlyq salasyna búdjetten bólingen 1 trln teńgeniń esebin surady.

"Máselen, 2023 jyly Astana qalasynyń prokýratýrasy tekseris júrgizgen. Nátıjesinde 2500 adam negizsiz qyzmet alǵan, olardyń arasynda marqumdar da bar. İs júzinde olar aýyrmaǵan, tipti keıbiri qaıtys bolyp ketken. Keıbiri Astana qalasynda turmaıdy. Alaıda olar medısınalyq qyzmet alyp júrgen. Saldarynan búdjetke júzdegen mln teńge shyǵyn keltirilgen. Olar tártiptik jaýapkershilikke tartylady. Qylmystyq is qaıda? Tolyǵymen búdjettiń aqshasyn sypyryp alǵan soń qylmystyq is qozǵaısyzdar ma? Densaýlyq saqtaý salasyna 2,5 trln teńgeden astam qarjy bólingen. Buǵan qatysty esep berildi. Alaıda osyǵan deıin mınıstrlik 1 trln teńgeniń qaıda ketkeni týraly esep bergen joq. Qaltaǵa ketti me? Kim biledi, jemqor osy jerde otyrǵan shyǵar", dedi depýtat.

Eske salsaq, búgin májiliste ótip jatqan úkimet saǵatynda medısınalyq saqtandyrý júıesi men densaýlyq salasyndaǵy birqatar máseleler talqylanyp jatyr.