Qazaqstannyń Tel-Avıvtegi elshiliginde Izraıl aýmaǵyndaǵy azamattar úshin shuǵyl baılanys jedel jelisi ashyldy, dep habarlaıdy Qamshy.kz aqparat agenttigi. Bul týraly búgin Syrtqy ister mınıstrliginde ótip jatqan baspasóz máslıhatynda Aıbek Smadıarov habarlady. 

"Eki kún ishinde otandastarymyzdan 500-den astam qońyraýlar men suraýlar túsip, olarǵa jaýap berildi. Búgingi tańda Qazaqstannyń Izraıldegi elshiligindegi konsýldyq esepte 77 azamat tirkelgen. Olardyń qatarynda elshilik qyzmetkerleri men otbasy bar. Izraıldiń joǵary oqý oryndarynda Qazaqstannan 5 stýdent oqıdy. Sondaı-aq 30-ǵa jýyq azamat jergilikti túrli medısınalyq mekemelerde taǵylymdamadan ótýde. Bári - 112 adam, - dedi ol. 

Mınıstrliktiń dereginshe qazir Gaza qalasynda 25-ke jýyq otbasy bar. Olardyń kóbi palestınalyqqa turmysqa shyqqan azamattar. Qazir olar qaýipsiz jer izdep jatyr. 

Eske salsaq, 7 qazanda HAMAS qozǵalysynyń Izraıl aýmaǵyn zymyran atqylaýynan soń qaqtyǵys bastalǵan bolatyn.