Jańa Qazaqstan aram saılaýmen alysqa barmaıdy

/image/2023/10/10/crop-13_10_710x1263_prezentatsiya-microsoft-powerpoint.jpg

«Baıaǵy jartas – sol jartas. Aldaǵy tikeleı saılaýdyń da ádil ótetinine kúmán bar», deıdi Qamshy.kz redaksıasyna kelgen qoǵam zertteýshisi Maqsut Qalybaev.

Iá, 5 qarashada úlken saılaý ótpek. 45 aýdan men oblystyq mańyzy bar qalalardyń ákimderi tikeleı saılanbaq.

Almatylyq zeınetker, qoǵam zertteýshisi Maqsut Qalybaev «bul saılaý da burynǵydaı zańǵa qaıshy áreketter men aldaý-arbaý senarıimen ótkiziledi», dep kúdiktenedi.

Onyń sózinshe, sonaý 1991-de Nazarbaev saılanǵannan beri elimizde bir de bir saılaý ádil ótken emes. Endeshe bizge budan bylaı saılaýdy eski júıemen ótkizbeý kerek. Saılaý júıesine jańalyq engizý kerek, deıdi ol.

– Bıliktiń osy ýaqytqa deıin saılaýda qoldanyp kele jatqan tehnologıasy men saılaýshylardyń daýys berý prosedýrasyndaǵy búletenderdi sanaý tásilderi ózgermese, burynnan kele jatqan jymysqy áreketter jalǵasa beredi. 30 jyl bılik etken Nazarbaevtyń qalyptastyryp ketken saılaý tehnologıasynda OSK-nyń tóraǵasynan bastap, quramyndaǵy múshelerine deıin prezıdent jarlyǵymen taǵaıyndaıtyny, óńirlerdegi okrýgtik, ýchaskelik saılaý komısıalaryn jasaqtaý da jergilikti ákimderdiń quzyrynda. Sol júıeni Toqaev tusyndaǵy «jańa Qazaqstan» qoldanyp keledi, – degen ol saılaýdy ádil etetin jańa búleten oılap tapqanyn aıtady.

– Bizdiń qoǵamda burynnan paıdalanyp kele jatqan saılaý búlleteninde saılaýshynyń bergen daýysyn ózgerte salý óte ońaı. Iaǵnı, ár saılaýshy ózi bergen daýystyń sol kúıinde saqtalatynyna kóz jetkize almaıdy. Óıtkeni komısıadaǵylar qalaı sanaımyn dese de, óz erkinde. Baqylaýshylardy olar qasyna jolatpaıdy.

Sol sebepti aldaǵy saılaýlarda daýys berý búlletenderin lotereıa bıletteri tárizdi serıalap, kóp sandy nómirmen shyǵarý qajet. Serıa saılaý okrýgi men ýchaskeleriniń ataýlaryna qarap, alǵashqy bir-eki bas áriptermen oblys ataýlary belgilense, rım sıfrymen saılaý okrýgteri belgilenedi. Al búletendegi nómir ár saılaý ýchaskesinde saılaýshylardyń sanyna jetetin etip myńdyq, on myńdyq sıfrlarmen jazylady.

Saılaý kúni daýys berýge kelgen saılaýshy saılaý komısıasyna tólqujatyn kórsetip, belgi soqtyrǵannan keıin, ústel ústine jazýy astyna qarap jatqan búletenderdiń bireýin alyp, shymyldyq ishine kirgen soń, óziniń tańdaýyn nemese qarsylyǵyn jasaıdy da, búleten serıasynyń nómirin jazyp alady. Al onyń kelesi betine óziniń qalaǵan bir belgisin salyp jiberedi. Sodan keıin daýys berý jáshigine aparyp salady. Osydan keıin saılaýshy óz búlleteniniń izin joǵaltpaıdy. Sol arqyly bergen daýysyn burmalaýǵa da jol berilmeıdi, – deıdi Maqsut Qalybaev.

 

Pikir qaldyrý

Qatysty Maqalalar