Qarasha aıynan bastap jolaqyny uıaly telefonmen tóleıtin almatylyqtar 5 teńgege metromen qatynaı alady.  Bul týraly Almaty metropolıteni baspasóz qyzmeti habarlady. 

31 jeltoqsanǵa deıin sozylatyn naýqan kezinde kez kelgen banktiń Mastercard kartasy baılanystyrylǵan Google Play, Apple Pay nemese Samsung Pay qosymshalary arqyly metroǵa kontaktisiz aqy tóleýge bolady.

"Jalpy, metroda jol aqysyn birneshe tásilmen — qolma-qol aqshamen, kartamen, metro jáne Ońaı jol kartasymen tóleýge bolady. Demeýshilerdiń bastamasymen jyl sońyna deıin almatylyqtar metroǵa bes teńge tólep, dittegen jerine jete alady. Tólem mobıldi qurylǵy arqyly iske asady. Basqa tásildermen tólengen jol júrý quny ózgerissiz qalady – 100 teńge", — dep atap ótti Almaty qalasy metropolıteniniń kirister jınaý qyzmetiniń basshysy Jazıra Baımuhamedova.