Jobaǵa 18 jastan 35 jasqa deıingi jas aralyǵyndaǵy azamattar qatysyp, 1 mln teńge kóleminde memlekettik qoldaý grantyn jeńip   ıdeıalaryn júzege asyra alady.Jobaǵa 18 jastan 35 jasqa deıingi jas aralyǵyndaǵy azamattar qatysyp, 1 mln teńge kóleminde memlekettik qoldaý grantyn jeńip   ıdeıalaryn júzege asyra alady.

Abaı oblysynyń óńirlik komýnıkasıalar qyzmeti alańynda ótken baspasóz maslıhatynda jobanyń aımaqtyq úılestirýshisi Elzıra Júnisovanyń aıtýynsha, respýblıka boıynsha bólingen 28 granttyń 8-i Abaı oblysyna tıesili. 

«Zhas project» jobasynyń negizgi talaby – onyń áleýmettik baǵytyna baılanysty. Al maqsaty – 18 jastan 35 jasqa deıingi jastar arasyndaǵy halyqtyń áleýmettik osal toptaryn qoldaý. İs-shara Mádenıet jáne aqparat mınıstrliginiń qoldaýymen júzege asyrylýda. Abaı jastary 8 mln teńge kólemindegi óteýsiz grant qarajatyn ala alady. Eskeretin jaıt, qarajat jer ýchaskeleri men belgili-bir jabdyqty satyp alýǵa jumsalatyn bolsa jobalar baǵdarlamaǵa qatysa almaıdy. Sondaı-aq, ǵylymı zertteýler men qoljazbalar jazýǵa da qoldaý kórsetilmeıdi, - dedi Elzıra Júnisova.
Atalǵan jobany uıymdastyrýǵa jáne jas kásipkerlerdi qoldaýǵa «Abaı oblysynyń Jastar resýrstyq ortalyǵy» KMM kómek kórsetedi. Ortalyq dırektory Aıdos Tóleýhanov óńir jastary «Zhas project» baǵdarlamasynyń múmkindikteri týraly biraz ýaqyttan beri habardar ekendigin atap ótti.

Mıllıon teńge qarajatty utyp alý jastar úshin jaqsy múmkindik. «Zhas project»  jobasy Semeıde 2018 jyly júzege asyrylǵan jáne jastardyń kóbisi atalmysh jobamen tanys. Búgingi kúnnen ótinimderdi qabyldaý bastalady. Eń bastysy, jobanyń áleýmettik baǵyty men mańyzy zor. Basty shart – baıqaýǵa qatysýshy úmitkerler Abaı oblysynda turaqty tirkelip turýy, - dep atap ótti Aıdos Tóleýhanov.

Ótinimder «Zhas project» saıtynda 9-22 qazan aralyǵynda qabyldanady. 23 qazannan tehnıkalyq irikteý júrgizilip, jeńimpazdar 1 qarashadan bastap anyqtalady. 
- Jobaǵa basynan aıaǵyna deıin mentorlar jetekshilik etedi. Olardyń mindeti – grantqa qoly jetken qatysýshyǵa ártarapty qoldaý kórsetý, komandaǵa baǵyt-baǵdar silteý. Grantty utyp alǵan jeńimpazdar onlaın-trenıngten ótedi. Onda jumysqa ornalasý, áleýmettik kásipkerlik, kóshbasshylyq syńdy ómirlik mańyzdy daǵdylardy ıgeredi. Biz óńirimizde alǵashqy grant utqan jeńimpazdarǵa oqytý-trenıngterinen bastap, esep berý jumystaryna deıin qadaǵalap, járdemdesetin bolamyz, - dedi Elzıra Júnisova.
Sonymen qatar, Aıdos Tóleýhanovtyń aıtýynsha, joba negizinen halyqtyń áleýmettik osal toptarynan shyqqan jastarǵa erekshe nazar aýdarmaq.

- Joba talabyna sáıkes, Abaı oblysynyń aýmaǵynda turatyn, turaqty jumysy joq, halyqtyń áleýmettik osal toptaryna jatatyn QR azamattary qatysa alady. Baǵdarlama eki kezeńnen turady – tehnıkalyq jáne konkýrstyq. Komısıa quramy 31 qazanǵa deıin barlyq ótinimderdi qarap, sheshim shyǵarady. Bul jastar úshin óz ıdeıalaryn júzege asyrýǵa jáne memleketten qoldaý alýǵa tamasha múmkindik, - dep qortyndylady Aıdos Tóleýhanov.