Qazaqstan ǵylym jáne joǵarǵy bilim mınıstrligi ǵylymı mekeme qyzmetkerlerin asharshylyq pen repressıaǵa "baǵa bermeýge" shaqyrǵan nusqaýlyǵynyń kúshin joıdy, dep habarlaıdy Azattyq.

Mınıstrliktiń resmı ókili Erjan Baıtanaevtyń aıtýynsha, qoǵamda qyzý talqylanǵan nusqaýlyqty ǵylym komıteti óz betinshe daıyndap, taratyp jibergen 

"Hat [ǵylym] komıtet qyzmetkerleriniń jeke bastamasy ekenin basa aıtamyz jáne hatty joǵary turǵan vedomstvonyń aldyn ala ruqsatynsyz jarıalanǵan. Bul hat tek usynys sıpatynda boldy jáne onyń eshqandaı zańdy kúshi joq", - dedi mınıstrliktiń resmı ókili.

Baıtanaev qazir komıtet daý týǵyzǵan hatty keri qaıtaryp alyp, oǵan baılanysty ishki tekseris júrgizip jatqanyn aıtady.

Eske salsaq, buǵan deıin áleýmettik jelide ǵalymdarǵa asharshylyq, otarlaý saıasaty týraly materıal daıyndaýǵa jáne eldegi hıdjab sekildi daýly máselelerge qatysty pikir bildirýge tyıym salynǵan nusqaýlyqtyń fotosy taraǵan.