Májilistiń jalpy otyrysynda depýtattar Ulttyq qordan balalarǵa qarajat berýdi kózdeıtin zań jobasyna Senat usynǵan ózgerister men tolyqtyrýlardy engizýge kelisti. 

Senat depýtattary qujattan "nysanaly jınaqtaý" uǵymyn alyp tastaý keregin aıtqan, óıtkeni olar BJZQ-nyń nysanaly jınaqtaý shottarynda ǵana bolýy múmkin. Sondaı-aq ulttyq ál-aýqat qorynyń jalǵyz aksıoneriniń quzyretin reglamentteıtin normalardyń qaıtalanǵany atap ótildi.

"Májilis 23 qyrkúıekte qabyldaǵan zań jobasy Senat qaraýyna jiberilgen edi. 13 qazanda Senat zań jobasyn keri qaıtardy. Zańǵa 10 túzetý engizildi. Onyń ishinde 5 túzetý redaksıalyq naqtylaý sıpatynda, 5 túzetý zańnyń jekelegen normalaryn ishki jáne zańnamalyq aktilerge sáıkes keltirýdi kózdeıdi", - dedi depýtat Berik Beısenǵalıev Májilis otyrysynda. 

 Zań 2024 jyldyń 1 qańtarynan bastap kúshine enýi tıis. Qujat boıynsha Ulttyq qordyń jyl saıynǵy ınvestısıalyq tabysynyń 50 paıyzy ár balaǵa 18 jasqa tolǵanǵa deıingi arnaıy jınaqtaý shotyna jınalady. Ol aqshany 18 jasqa deıin eshkim ala almaıdy.

Endigi zań jobasyna prezıdent Qasym-Jomart Toqaev qol qoıýy tıis.