Terminals Holding kompanıalar toby – Azıa men Afrıkanyń iri naryqtarynda tutynýshylarǵa qyzmet kórsetetin, sondaı-aq Abu Dhabi Ports iri portty jáne ónerkásip kompanıasymen baılanysty qarqyndy damyp kele jatqan avıasıalyq kásiporyn.

Investor elorda áýejaıynyń qyzmetine jan-jaqty baǵa berip, keıinnen jolaýshylarǵa qyzmet kórsetý sapasyn jáne jalpy áýe aılaǵynyń tıimdiligin arttyrý úshin jedel basqarýdy óz qolyna alady.

Investordyń birinshi kezektegi mindeti – ushý-qoný jolaǵyn rekonstrýksıalaýǵa jáne ony odan ári jańǵyrtýǵa daıyndaý. Daıyndyq jumystaryn jáne elordanyń qysqa merzimdi qurylys maýsymyn eskere otyryp, kelesi jyly jerústi ınfraqurylymyn kúrdeli jóndeýdi bastaý josparlanyp otyr.

Sonymen qatar memleket pen jeke kompanıa múddeleriniń tepe-teńdik balansyn eskere otyryp, bolashaq ınvestısıalarǵa negiz bolatyn áýejaıdy damytýdyń uzaq merzimdi bıznes-jospary ázirlenetin bolady.

Kólik mınıstrligi Terminal Holding kompanıasymen yntymaqtastyqty nyǵaıtý Memleket basshysynyń Qazaqstan halqyna Joldaýynda elimizdegi áýejaılardy mýltımodaldi ortalyqtar retinde damytý jónindegi belgilengen mindetterdi iske asyrýǵa eleýli úles qosatynyn basa aıtty.