Búgin májilis otyrysynda depýtat Erlan Saıyrov halyqtyń áleýmettik jaǵdaıynyń tómen ekenin aıtty. Depýtattyń aıtýynsha, halyq kedeılikten nesıe alýǵa májbúr. 

"Jeke tulǵalardy bankrot dep tanysaq qoı ústinde boztorǵaı jumyrtqalaǵan zaman týady dep oıladyq. Olaı bolmaı shyqty. Ózińiz aıtqandaı, 68 myń adamnyń 5,5 myńy ǵana bankrot dep tanyǵan. Sonymen birge qazir elimizde kredıt alýdyń dınamıkasy artyp kele jatyr. Adamdardy kredıt alady dep kinálaýǵa da bolmaıdy. Sebebi kúnkóris tómendep kele jatyr. Adamdar kedeı. Halyq nan, makaron men et úshin nesıe alady. Sondyqtan, biz sebeppen emes saldarmen kúresip jatyrmyz. Negizgi sebep halyqtyń kedeıligi. Kedeılikpen kúresý úshin qandaı shara qoldanylyp jatyr?", dedi Erlan Saıyrov.