Izraılge baryp kelgen AQSH prezıdenti Djo Baıden el aldyna shyǵyp, 15 mınýttyq málimdeme jasady.
Óıtkeni Baıden Kongresten odaqtas elderge áskerı kómek berý úshin birden 100 mlrd dollar bólýdi suraǵaly otyr.
Bul aqshanyń kóbi Ýkraına men Izraılge beriledi, qalǵany Taıvan men basqa da odaqtas elderge berilmek.
"Biz HAMAS sıaqty terrorıster men Pýtın sıaqty tırandardyń jeńiske jetýine jol bere almaımyz jáne jol bermeımiz. Aqsha sol úshin kerek. HAMAS ta, Pýtın de kórshisindegi demokratıanyń kózin qurtqysy keledi", degen eken Baıden.
Amerıkalyq baspasóz quraldarynyń dereginshe, álgi 100 mlrd dollardyń 60 mlrd-yn Ýkraınaǵa, 14 mlrd dollaryn Izraılge berý kózdelip otyr.
Pikir qaldyrý