Qazir elimizde 8,4  mıllıonnan astam adamnyń qaryzy bar. Bul týraly Erlan Jaqanuly májiliste ótken parlamenttik tyńdaýda málimdedi.

Onyń aıtýynsha qazir halyqtyń qarjylyq saýatynyń tómendigi men nesıege táýeldiligi úlken problemaǵa aınalyp otyr. 

"Jasyratyny joq, qazir bankterden shekteýsiz kredıt alyp, qaryzǵa belshesinen batyp otyrǵan azamattarymyz kóp. "Halyq nesıe qamytyn kıip otyr" dese de bolady Qazirgi ýaqytta halyqtyń 84 paıyzynda, ıaǵnı 8,4  mıllıonnan astam adamnyń qaryzy bar eken. Sońǵy bir jarym jyl ishinde bul kórsetkish 27 paıyzǵa ósken. 90 kúnnen keshiktirilgen qaryz kólemi –shamamen 1,4 trln. teńge. Iaǵnı, 1,7 mıllıon adam qaryzyn ýaqytyly tóleı almaı otyr degen sóz. Osynyń bári nesıe problemasynyń qanshalyqty asqynyp ketkenin kórsetedi", deıdi Erlan Jaqanuly. 

Sondaı-aq Erlan Qoshanov jasóspirimderdiń onlaın kredıt alatyny týraly da aıtyp ótti. 

"14-16 jastaǵy jasóspirimderdiń kredıt alýy úshin smartfon men ınternet jetkilikti. Mundaı jasóspirimder qarjylyq jaýapkershilikti sezine ala ma? Olardyń tóleı almaǵan nesıesin áke-sheshesi, ata-ájesi tóleıdi", dedi ol. 

Búgin májiliste halyqtyń shamadan tys kredıt alýyn azaıtý jáne qarjylyq saýattylyqty arttyrý týraly parlamenttik tyńdaý ótip jatyr.