«Barshaǵa Múmkindik» modýldik pýnkteri arqyly 52 memlekettik qoldaý sharasy boıynsha 2500 adam keńes alyp, ákimdikke kómek alý úshin ótinim jiberdi. Bıznes ashý úshin grant pen mıkroqarjylandyrý baǵdarlamaryna qatysýǵa 570 adam ótinim jasady. Modýldik pýnkterdiń konsýltanttary turǵyn úı baǵdarlamalary, bıznesti qoldaý, áleýmettik kómek jáne eńbekpen qamtý suraqtary boıynsha jan-jaqty aqparat beredi.

«JOLTAP» jobasy aıasynda qala turǵyndary eki qysqa merzimdi oqý baǵdarlamary boıynsha bilim ala alady. Birinshi baǵdarlama arqyly azamattar saýda, qurylys, qyzmetter salalarynda satýshy-kassır, tiginshi sıaqty jumysshy mamandyqtaryna oqı alady. Oqý baǵdarlamasy bıznes kóshbasshylarynyń talaptary men standarttaryna saı qurastyrylǵan. «Freelance Múmkindik» atty ekinshi baǵdarlama qazirgi kezde naryqta suranysqa ıe sıfrlyq mamandyqtardy úıretedi.

«Astana turǵyndary damýǵa, ári kásibı ósýge talpynysty kórsetip júr. Azamattar oqýǵa, daǵdylarǵa úırenýge, bıznes ashýǵa qyzyǵýshylyq tanytýda. «JOLTAP» jobasy arqasynda 10 myń Astana turǵyny jumysshy jáne sıfrlyq mamandyqtary boıynsha oqyp, sertıfıkattalǵan maman atanady. Joba memleket, bıznes jáne qoǵamnyń birlesip qurastyrǵan tıimdi júıesi bolyp sanalady. Biz jańa seriktestikter men áriptestikke ashyqpyz», - dep joba jetekshisi Astana ákiminiń keńesshisi Dana Júnisova atap ótti.

«Barshaǵa Múmkindik» modýldik pýnkterinde azamattar kelesi mekenjaılar boıynsha keńes alyp, oqýǵa jazyla alady:

“Ailand” ODO, Qorǵaljyn tas joly, 2
“Magnum” sýpermarketi, Edil kóshesi, 26
“Jastar” saraıy Respýblıka dańǵyly, 34
“Tulpar” SO Sh. Ýálıhanov kóshesi, 24
“Euromall” SÚ, Qosshyǵululy kóshesi, 24
“Vstrecha” SÚ Abylaı han dańǵyly, 31
“Mechta” SÚ, Syǵanaq kóshesi, 3
“Azıa park” SOO Qabanbaı batyr dańǵyly, 21
“Saıanur” bazary Tilendıev dańǵyly, 24/5
“Big Shanhaı” bazary, Alash tas joly, 32aDvores «Jastar» pr. Respýblıkı, 34

Modýldik pýnkter kún saıyn ári demalyssyz jumys isteıdi. Jobanyń barlyq quraldary tolyǵymen tegin.