Májilis tóraǵasy Erlan Qoshanov Túrkıa Respýblıkasynyń 100 jyldyǵyna arnalǵan qabyldaýdaMemleket basshysy Qasym-Jomart Toqaevtyń 100 jyldyq mereıtoımen quttyqtaýyn oqyp berdi.
«Baýyrlas túrik halqyn elińizdiń tarıhyndaǵy aıtýly oqıǵa — Túrkıa Respýblıkasynń 100 jyldyǵymen shyn júrekten quttyqtaımyn. Tereńge jaıylǵan asyl tarıhynan, baı mádenı murasynan, halqynyń qaısarlyǵy men danalyǵynan bastaý alatyn búgingi Anadoly qarqyndy damýǵa qol jetkizip, jahandyq deńgeıdegi kóshbasshy ápi qýatty elderdiń qataryna engenin erekshe qýanyshpen atap ótemin. Sizdiń salıqaly da keregen saıasatyńyz, qajyrly kúsh-jigerińiz ben ıgi bastamalaryńyz elińizdi jańa altyn ǵasyrǵa qadam bastap, bıik maqsat-murattarǵa jeteleı berýine shynaıy tilektespin», – delingen Prezıdent quttyqtaýynda.
Memleket basshysy Qazaqstan men Túrkıanyń berik dostyq pen ózara qoldaýǵa negizdelgen qarym-qatynastary aǵaıyn halyqtarymyzdyń ıgiligi úshin keńeıtilgen strategıalyq áriptestik rýhynda ǵasyrdan ǵasyrǵa jalǵasa beretinine kámil senetinin aıtqan.
Erlan Qoshanov Qaraǵandy oblysyndaǵy shahtadaǵy qaıǵyly oqıǵaǵa baılanysty Qazaqstan halqyna qoldaý bildirip jatqan Túrkıa basshylyǵyna jáne dıplomatıalyq korpýs ókilderine alǵysyn jetkizdi.
Palata tóraǵasy elderimizdiń Parlament deńgeıindegi jáne TúrkPA sıaqty halyqaralyq alańdar aıasyndaǵy yntymaqtastyǵyna toqtaldy.
Sonymen qatar Májilis spıkeri Túrkıanyń 100 jyldyq mereıtoıyna oraı Astanada «Anadoly» kóshesi, Shymkentte «Túrkıa» dańǵyly men saıabaǵy, Almatyda Mustafa Atatúrikke arnalǵan eskertkish ashylǵaly jatqanyn aıtty. Al 26 qazanda elordadaǵy «Atatúrik» saıabaǵynda Iýnýs Emrege arnalǵan eńseli eskertkish ashyldy.
Pikir qaldyrý