Astanaǵa resmı issaparmen kelgen Fransıa prezıdenti Emmanúel Makron Parıj elimizdiń mektepterinde fransýz tilin qaıta engizýdi usyndy. Fransıa prezıdentiniń aıtýynsha bul eki el arasyndaǵy mádenı baılanysty nyǵaıta túsedi.
"Bizge fransýz tilin oqytý qazaq mektepterine qaıta oralǵany óte mańyzdy. Biz qazirgi jaǵdaıdy ózgertýge bar kúsh-jigerimizdi salýǵa daıynbyz. Men bizdiń bilim berý uıymdary arasynda qol qoıylǵan úkimetaralyq kelisimge zor úmit kútemin", - dedi Makron keńeıtilgen kezdesýde.
Fransıa prezıdenti 2024 jylǵy qyrkúıekten bastap fransýz-qazaq ýnıversıteti jumys isteıtinin atap ótti.
"Stýdentter arasyndaǵy baılanystyń damyǵany, stýdentterimizge arnalǵan stıpendıalardyń bolǵany óte mańyzdy. Sondaı-aq men sizdiń Parıjde sizdiń elińizdiń mádenı murasyna arnalǵan kórmeni ótkizý týraly bastamańyzdy qoldaımyn. Gıme mýzeıiniń tóraǵasy búgin menimen birge keldi, qazir biz kelesi jyly ótkizý múmkindigin talqylaımyz", - dedi Makron.
Pikir qaldyrý