Elimizde qyzylshaǵa qarsy ekpe alý kúsheıtiletin bolady. Bul týraly Úkimet otyrysynda Álıhan Smaıylov habarlady. 

"Vırýsty juqtyrǵandar sany artyp barady. Olardyń basym kópshiligi – balalar. Aýrýdyń taralýyn toqtatý kerek. Bala densaýlyǵy basty nazarda bolýy tıis. Vaksına alýdan basqa, mundaı qaýipti vırýspen kúresý múmkin emes. Sondyqtan, ekpe alýdy kúsheıtý qajet", dedi Álıhan Smaıylov. 

Densaýlyq mınıstri Ajar Ǵınaıattyń aıtýynsha, elimizde qyzylsha aýrýyna shaldyqqan 30 bala jansaqtaý bóliminde jatyr. 

"Emdeýge jatqyzylǵandardyń ishinde 30 bala jansaqtaý bóliminde jatyr. Olardyń jaǵdaıy aýyr. Onyń ishinde 1 jasqa deıingi 15 bala bar. Ólim-jitim joq. Jaǵdaıy aýyr balalardyń bári mınıstrliktiń baqylaýynda", - dedi Ajar Ǵınıat