Aqtóbe oblysynda oqýshylardy olımpıadaǵa aparǵan kólik júrgizýshisi qamaýǵa alyndy. 19 jeltoqsanda saǵat 8:30 shamasynda «Qurylys» aýylynyń mańyndaǵy Samara-SHymkent avtojolynda jol apaty boldy.

Toyota Alphard avtokóligi men Volvo júk kóligi soqtyǵysqan. Saldarynan Toyota Alphard avtokóliginiń jolaýshylary, er adam (muǵalim) jáne 2007 jyly týǵan eki oqýshy oqıǵa ornynda qaza tapty.

Osy fakti boıynsha sotqa deıingi tergeý bastaldy. Jol apatynyń mán-jaıy anyqtalyp jatyr.

Buǵan deıin Oqý-aǵartý mınıstrligi Balalardyń quqyqtaryn qorǵaý komıteti Aqtóbe oblysynda jol apatynan qaza tapqandardyń týystary men jaqyndaryna qaıǵaryp kóńil aıtty.

"Qaza tapqandardyń otbasylaryna qajetti qoldaý, oqýshylarǵa tıisti psıhologıalyq kómek kórsetiledi. Oqý-aǵartý mınıstrligi bilim berý uıymdarynyń basshylaryna qysqy kezeńde balalardy qaýipsiz tasymaldaýdy qamtamasyz etý jónindegi jumysty kúsheıtý qajettigin eske salady", – delingen aqparatta.

Qaýipsizdik tehnıkasy jáne sanıtarlyq-epıdemıologıalyq normalardy saqtaý boıynsha nusqaýlyq bilim berý uıymdaryna jiberilgen.