Jýrnalıs Qanat Tileýhannyń marqum teatr rejıseri, dramatýrg, qoǵam qaıratkeri Bolat Atabaev týraly "Myń jyldyq oıyn" atty derekti fılm kórermenge jol tartatynyn habarlady. Bul týraly jýrnalıs óziniń feısbýk paraqshasynda jazdy. 

“Endi ózderińizdiń nazarlaryńyzǵa usynǵymyz keledi. Osy Feısbýkte alǵash aıtyldy. Qoldaý da tapty. Sol úshin Maqsat Tolyqbaı baýyryma táńir jarylqasyn deımiz.

Ádette, premerany kasalyq kórkem fılmder jasap jatady. Derekti fılm shettep qalǵaly qashan. Biraq bul óte qajet dúnıe.

2021 jyly Bolat Atabaevtyń 70 jyldyǵy edi. Soǵan oraı túsirse degen áýelde oı bolǵan. Biraq onyń reti bıyl keldi.

Bolat aǵamen alǵash televıdenıeniń jańalyqtar qyzmetinde júrgen kezde tanysyp edim. «Qazaq jýrnalıseri sıyr sıaqty shoryldatyp sıgendeı ǵyp jazýdy qashan qoıasyńdar. Problemany birden naqty jazbaısyńdar ma» deıtin. «Myń jyldyq oıyndy» bitirip alyp, birneshe ret qarap shyqtyq. Bolat aǵa ózi kórse, ne bolar edik dep oılap kettim de shoshyp kettim”, – dep jazdy Qanat Tileýhan.

Premeranyń ýaqyty: 21 jeltoqsan, saǵat 18:30-da. Meken jaıy: Almaty qalasy, Báribaev kóshesi 36, Transform óner keńistigi. Kirý tegin.