Almatyda sheteldikterge qaraqshylyq shabýyl jasaǵan kúdiktiler ustaldy, dep habarlaıdy Qamshy.kz aqparat agenttigi Polisia.kz saıtyna silteme jasap.

Jańa jyl qarsańynda Sıngapýr azamattaryna qaraqshylyq shabýyl jasaldy.

"Belgisiz bes adam sheteldikterdiń jaldamaly úıine basyp kirip, olardy qarýmen qorqytyp, jıǵan-tergenderin berýdi talap etken. Qylmyskerlerdiń “oljasy” 3 mıllıon teńge jáne 13 myń dollardan asady. Shabýyl jasaǵandar anyqtalyp, ustaldy. Bul – 1999, 2001, 2003 jyly týǵan Almaty oblysynyń bes turǵyny", - deıdi vedomstvo.

Qylmystyń negizgi uıymdastyrýshysy T.esimdi adam, buryn qaraqshylyq shabýyl jasaǵany úshin sottalǵan.

"Qylmysty uıymdastyrýshy zardap shekkendermen jumys istegen, olardyń tabysy týraly bilgen. Oqıǵany anyqtaýda beınebaqylaý júıeleri mańyzdy ról atqardy. Aıǵaqty zattar, onyń ishinde eki oıynshyq tapansha tárkilendi", – dedi Almaty qalalyq polısıa departamenti bastyǵynyń orynbasary Dıdar Ahanov.