Shetelden Qazaqstanǵa kelip anasyn izdegen Jánibekke baılanysty Arqalyqta qylmystyq is qozǵaldy. Bul týraly áleýmettik jelide jýrnalıs Qymbat Dosjan habarlady. 

"Dostar, Astanadan Arqalyqqa jolǵa shyqtyq. Bul sapardyń basty maqsaty – qylmystyq is qozǵaldy. Qazir on shaqty áıelge kúdik túsip tur. Men Jánibektiń zańdy ókili retinde qylmystyq is aıaqtalmaıynsha, barlyq málimetti jarıalaýǵa quyly emespin. Tıisti qujattarǵa qol qoıdyq", – deıdi jýrnalıs.

Qylmystyq is ne úshin qozǵalǵanyn jýrnalıs aıtqan joq.

Esterińizge salsaq, buǵan deıin áleýmettik jelide shetelde turatyn Jánibek esimdi (qazirgi qujatynda EddJan) jas jigittiń Qazaqstanǵa kelip, anasyn izdep jatqany týraly vıdeo jarıalanǵan edi. Belgili bolǵandaı, Jánibek 2002 jyly 17 qańtarda Arqalyqta týǵan. 2004 jyly sol qaladaǵy balalar úıinen qazirgi belgıalyq otbasy, ıaǵnı jalǵyzbasty anasy asyrap alýǵa alyp ketken.