Oksford ýnıversıtetinde qazaq tilin oqytý qolǵa alynady, dep habarlaıdy ǵylym jáne joǵary bilim mınıstrligi. Ýnıversıtette Oxford Qazaq sózdiginiń alǵashqy basylymy da tanystyryldy
Mınıstrlik Oksford ýnıversıtetimen ózara yntymaqtastyq týraly kelisimdi rásimdedi. Sonyń aıasynda Oksford ýnıversıtetinde qazaq tilin oqytý josparlanyp otyr. Qazaqstandyq delegasıa Bodlıan kitaphanasynda Qazaqstanǵa qatysty kóne qoljazbalarymen de tanysty.
"Bodlıan kitaphanasy - óte iri, rýhanı ordalardyń biregeıi. Bul kitaphanada Túrki fılosofy Sheıh Ahmed Tarazıdyń “Kemeldik ǵylymy” qoljazbasynyń jalǵyz danasy saqtalǵanyn aıtyp ótkim keledi. Sonymen qatar ýnıversıtetke ekskýrsıa jasap, tarıhymen etene tanysyp shyǵýdyń sáti tústi", - deıdi mınıstr Saıasat Nurbek.
Sapar kezinde Oxford Qazaq sózdiginiń alǵashqy basylymy da tanystyryldy. Oǵan 60 myńnan astam sóz endi.
"Sonymen qatar osy sapar aıasynda men jas ónertapqysh Sanjar Taıjanmen kezdestim. Sanjardy men erterekten jaqsy bilemin. Esterińizde bolsa, Tesla uıymdastyrǵan Not-A-Boring Competition týrnırine qatysqan qazaq jigiti Sanjar Taıjan men onyń komandasy usynǵan burǵy mashınasy Ilon Masktyń nazaryna ilikken bolatyn", - dep atap kórsetti Nurbek.
Pikir qaldyrý