Almatydaǵy mádenı-tarıhı oshaqtarynyń biri teatr ekeni sózsiz. Teatr-rýhanı baılyqtyń qaınar kózi ekeni barshamyzǵa aıan. Qazaq teatry dese, qara shańyraq M.O. Áýezov atyndaǵy Qazaq ulttyq drama teatry birden esime sap ete qalady. Al teatrdaǵy rýhanı demalys adamnyń dúnıetanymynyń dástúri men qundylyqtaryn ósýine sebepker. Osy oraıda  Ál-Farabı atyndaǵy Qazaq ulttyq ýnıversıtetinde https://farabi.university/ turaqty damý maqsattary (TDM 11) aıasynda JOǴARY OQÝ ORNYNA DEIİNGİ DAIYNDYQ KAFEDRASYNYŃ  «Rýhanı jańǵyrý» aptalyǵy men «Ólketaný» klýby uıymdastyrýmen sheteldik tyńdaýshylary Muhtar Áýezov atyndaǵy Qazaq Memlekettik akademıalyq drama teatrynda, ataqty aqyn, sazger, dramatýrg Israıl Saparbaıdyń «Syǵan serenadasy» atty mýzykalyq drama qoıylymyn tamashaladyq. Dúnıeniń ár tórtkil buryshynan kelgenimizge 3 aı ǵana bolǵan biz sıaqty shetel azamattaryn  jańa ortaǵa beıimdeý maqsatynda JOO-ǵa deıingi daıyndyq kafedaradasynda mádenı-tanymdyq is-sharalar atqarylýda. Osyndaı is-sharalardyń biri Atajurttaǵy qazaqtyń teatr ónerimen tanystyrý boldy.  Teatr – estetıkalyq adamgershilik pen izgilikke tárbıeleýdiń asa mańyzdy quraly bolyp tabylady. Osy tárbıeni boıymyzǵa sińirý maqsaty elimizdiń basty mádenıet ordasymen tanystyrý, óner men mádenıettiń qaınar bulaǵy bolǵan teatr tyńdaýshylardy rýhanı ósiredi. Atalmysh qoılymdaǵy Váls koroli áıgili sazger Shámshi rýhyna arnalǵan bul týyndyny tamashalaý kezinde Shámshiniń júrek shymyrlatar, sezim serpilter qudiretti ánderi qoılyp, eriksiz bıge jetelep, sezim tebirenter Syǵan serenadasyn tamashalaý barysynda biz jastar erekshe áserge bólenip, rýhanı azyq alyp, rýhanı demalyp qaıttyq. Bul qoılymda jerde Shámshiniń júrektegi ińkár seziminiń mahabbaty emes, Shámshiniń Otanǵa, elge degen mahabbat óte kúshti. Súıgenine erip ketse osy kúnde mýzyka álemine Shámshideı eshkim áýen qosa almas edi. Ánderi qandaı keremet. Bizdiń ata-anamyzdyń jas kezindegi ánderi ǵoı. Qansha jyldar tipti ǵasyr ótsede Shámshi áýender eskirmek emes. Sonymen qatar akterlik sheberlikterimen tánti etken QR Eńbek sińirgen qaıratkeri B.Turystyń, Memlekettik «Daryn» syılyǵynyń laýreaty N.Karabalınanyń joǵary akterlik talanty men sheberlikteri biz sıaqty shyǵarmashylyq mamandyq sonyń ishinde óner salasyn tańdaǵan tyńdaýshylar úshin úlken sheberlik sabaq bolyp, ónerge degen qulshynysymyzdy odan ári asqaqtata tústi. Atajurtymdaǵy QAZAQ teatry sharyqtaı bersin!

JOO-ǵa deıingi daıyndyq kafedrasynyń aǵa oqytýshysy: Mýjıgova Gúlnazıra,

JOO-ǵa deıingi daıyndyq kafedrasynyń tyńdaýshysy Madethan Ahtılek (Mońǵolıa), Mádenıet Perızat (QHR)