2024 jyldyń qańtar aıynyń 15-20 juldyzy aralyǵynda ál-Farabı atyndaǵy Qazaq ulttyq ýnıversıtetiniń https://farabi.university 90 jyldyǵyna oraı, sondaı-aq turaqty damý maqsattary (TMD-3) aıasynda jyl saıyn dástúrli túrde ótetin QazUÝ  stýdentteri arasynda 50-shi «DENSAÝLYQ» spartakıadasy ótti. ál-Farabı atyndaǵy QazUÝ-dyń ınternasıonalızasıa jáne rekrýtıng keńsesi uıymdastyrǵan sharaǵa sportqa jany qushtar  150-ge jýyq fakúltet jastary qatysty. Jalpy jarys sporttyń 9 túrinen ótti. Iaǵnı qatysýshylar badmınton, shahmat, kıber sport, fýtbol sekildi túrlerinen baq synady.  Birneshe kúnge sozylǵan jarystyń núktesin shahmat oıyndarymen aıaqtady. Bul sporttyq  jarysqa QazUÝ stýdentter arasynan 15-ke jýyq úmitker qatysty. Dúbirli dodanyń báıgesinde aldyna desbermeı «Júzden júrik, myńnan tulpar» shyqqan JOǴARY OQÝ ORNYNA DEIİNGİ DAIYNDYQ KAFEDRASYNYŃ  tyńdaýshylary    júldeli úshtik qatarynan kórinip, fakúltet qorjynyna eki birdeı júldeli oryndy saldy. 26-top tyńdaýshysy Bahytbek Aıtolhyn İ oryn ıelense 4-top tyńdaýshysy Nurgeldi Aıp 3 orynǵa shyqty. Shahmatty qatar alyp júrgen Mońǵolıa elinde taekvondodan qara belbeý qara kúsh ıesi Aıtolhynnyń Atajurttaǵy alǵashqy jeńisi. «Atamekendegi jeńis meni erekshe tolǵandyrdy. Elde júrgende ata-anam ylǵı babamyzdyń amanaty - «ózge elde sultan bolǵansha, óz elińde ultan bol…» deıtin. Osy sózdiń maǵynasy búgin tula boıymdy shymyrlatty. Mońǵolıada júrgende talaı jarysta top jardym ,biraq búgingi jarystyń jeńisi qanymdy týlatty. Osy jarysty uıymtastyryp otyrǵan Farabı ýnıversıtetiniń basshylyǵy men ınternasıonalızasıa jáne rekrýtıng keńsesi jáne de jeńiske jetesiń dep shabyt bergen kýratorymyz Mýjıgova Gúlnazıra apaıǵa, daıyndyq fakúltetiniń basshylyǵyna alǵysym sheksiz. Qarashańyraqta oqý bizder úshin - úlken mártebe. Biz sıaqty ár elden kelgen qazaq jastaryna úlken múmkindik berip, bulaq kózin ashyp otyrǵan bilim ordasynyń rektory Janseıit Túımebaev myrzaǵa alǵysymyz sheksiz! Biz sıaqty jyraqta júrgen QAZAQ jastaryn úlken ómirge bastaý alǵan qadamymyzdy naqtylap, qanatymyzdy qataıtyp, bıikte samǵaýda úlken úles qosyp otyrsyz. Búgin de jetken jetistikterimiz - siz basqaryp otyrǵan bilim ordasynyń ulaǵatty ustazdarynyń eńbeginiń jemisi. Mereıtoı  qutty bolsyn! Jasaı ber, QazUÝ-ym!»

Bir ǵasyrlyq tarıhy bar Farabı ýnıversıtetiniń jastary bilim, ǵylymnan ǵana emes sporttanda úzdikter qatarynda ekenin búgingi ótken dúbirli doda osynyń aıǵaǵy.

JOO-ǵa deıingi daıyndyq kafedrasynyń oqytýshysy G.M. Mýjıgova,

JOO-ǵa deıingi daıyndyq kafedrasynyń tyńdaýshylary Qaıyrqyzy Aıbıbı Mádanıbek Perızat (QHR)