Májilistiń jalpy otyrysynda depýtattar áıelder men balalardyń quqyǵyn qorǵaıtyn zań men oǵan ilespe zań jobasyn qaraýǵa kiristi.

Otyrysta «Qazaqstannyń keıbir zańnamalyq aktilerine áıelderdiń quqyǵy men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» negizgi zań jobasy jáne Qazaqstannyń Ákimshilik quqyq buzýshylyq týraly kodeksine áıelderdiń quqyǵy men balalardyń qaýipsizdigin qamtamasyz etý máselesi boıynsha ózgerister men tolyqtyrý engizý týraly ilespe zań jobasy qaraldy.  

Májilistegi Áleýmettik-mádenı damý komıtetiniń tóraǵasy Asqat Aımaǵambetov zań jobalary depýtattardyń bastamasymen ázirlengenin atap ótti.

Depýtattar zań jobasynda kelesi negizgi normalardy engizýdi usynyp otyr:

Birinshiden, uryp-soǵýdy jáne densaýlyqqa jeńil zıan keltirýdi, qazirgi ákimshishik jaýapkershilikten qylmystyq jaýapkershilikke jatqyzý, jáne jazasyn áldeqaıda qatańdatý;

Ekinshiden, jábirlenýshiniń ótinishin kútpeı-aq, zorlyq-zombylyq týraly BAQ nemese onlaın platformalardaǵy aqparat negizinde tıisti sharalar qabyldaý quqyǵyn berý;

Úshinshiden, otbasynda zorlyq-zombylyq jasaǵan adamdardyń agressıvti minez-qulqyn ózgertý úshin, sotqa psıhologıalyq kómek kórsetýdi mindetteý ýákilettiligin berý.

Odan bólek, balalardyń qúqyǵyn qorǵaýǵa qatysty tómendegideı birqatar usynys jasaldy:

• Pedofılderdi ómir boıy bas bostandyǵynan aıyrý;
• Cýısıdti nasıhattaý, nemese sýısıdke ıtermeleý úshin qylmystyq jaýapkershilik engizý;
• Balalarǵa arnalǵan ınternattyq uıymdarǵa aldyn-ala eskertpeı, kez-kelgen ýaqytta olardy tekserý jáne taǵy basqa mańyzdy normalar.