MÁMS jarnalaryn ósirý týraly bastama qoǵamda narazylyq týdyrdy. Bul týraly Májilis depýtaty Asqat Aımaǵambetov Telegram arnasyna jazdy.  Depýtat bul máseleniń júıeli túrde sheshilmeı kele jatqanyn aıtyp ótti. 

"Ashyqtyqtyń jáne sıfrlandyrýdyń joqtyǵy, tómen tarıfter, ádistemelik kemshilikter, MÁMS qamtymaıtyn birneshe mıllıon azamat, GOBMP jáne MÁMS paketterindegi shatasýlar. Bastapqyda qarastyrylǵan turaqty qarjylandyrý modeli keıin ózgertilip, memlekettik jarna stavkalary birneshe ese tómendetildi. Tipti respýblıkalyq búdjet jyl saıyn qorǵa belgili bir azamattar sanaty úshin aýdaratyn jarnalar boıynsha óz mindettemelerin oryndamaı otyr", – dep jazdy Asqat Aımaǵambetov.

Búginde azamattardyń aqyly emdelýge ketetin shyǵystary azaıýdyń ornyna ósip jatyr.

"Sońǵy 2 jyl ishinde qalta shyǵyndary 27,7%-dan 31,1%-ǵa deıin ósti. Búginde medısınalyq uıymdarǵa qarajat jetispeıdi. Aýrýhanalardyń kredıtorlyq qaryzy ósip, azamattardyń medısınalyq kómek alýǵa kezekte turý ýaqyty uzardy. Buǵan qosa medısınalyq kómektiń qoljetimdiligi tómendedi. Ókinishke qaraı, búginde bul qor klasıkalyq saqtandyrý uıymyna aınalýdyń ornyna, qarapaıym memlekettik emes qorǵa aınaldy. Jarnalardy ósirý, azamattardyń moınyna barlyǵyn artý qanshalyqty ádiletti?" – dedi depýtat.