Qazaqstan Jazýshylar odaǵynyń múshesi, ádebıettanýshy ǵalym, fılologıa ǵylymdarynyń doktory, profesor, QR bilim berý úzdigi Qunypıa Alpysbaev 1949 jyly tamyzdyń 4 juldyzynda Qytaı Halyq Respýblıkasynyń Baıandaı aýylynda dúnıege kelgen.

Qazaq memlekettik ýnıversıtetiniń fılologıa fakúltetin támámdap, ýnıversıtet basshylyǵynyń usynysymen kásipodaq komıteti tóraǵasynyń orynbasary, daıyndyq bólimi dekanynyń orynbasary, syrttaı oqytatyn fılologıa fakúltetiniń dekany qyzmetterin atqardy.

1986 jyly «Qazirgi qazaq poemasynyń janrlyq máseleleri» jáne 2000 jyly «Qazaq ádebıetindegi tarıhı shyǵarma: tanym men kórkemdik» atty taqyrypqa doktorlyq dısertasıa qorǵap, 2001 jyly profesor ataǵyna ıe boldy.

Elimizde alǵash ashylǵan «ádebı shyǵarmashylyq» jáne «kórkem aýdarma teorıasy» sekildi mamandaryn daıyndaýda sapaly oqý-ádistemelik keshenderi men baǵdarlamalaryn ázirlegen.

Kóptegen syn-zertteý maqalalary jarıalanǵan. Onyń birqatary shetelde, ıaǵnı Túrkıa, Qytaıda basylǵan.