Búgin premer-mınıstr  bolyp Oljas Bektenov taǵaıyndaldy. Bul týraly prezıdent Qasym-Jomart Toqaev Parlament otyrysynda habarlady. 

"Bizdiń barlyq is-áreketimiz Ádiletti Qazaqstandy qurýǵa saı bolýy tıis. Eń aldymen ekonomıka salasyna jańa serpin berý kerek. Bul jumysty sóz júzinde emes, is júzinde iske asyratyn ýaqyt jetti. Qazir memlekettik satyp alý jónindegi zańnamalar jańa sıpatqa ıe boldy. Jalpy Úkimettiń jumysyna jańa serpin berý kerek dep oılaımyn. Sol sebepti Úkimet basshysy Álıhan Smaıylovtyń otstavka týraly sheshimin qabyldadym. Qazir aldymyzda aýqymdy josparlar kútip tur. Osyǵan baılanysty Úkimet basshysy retinde Oljas Abaıulynyń kandıdatýrasyn qoldaımyn", dedi memleket basshysy Qasym-Jomart Toqaev.

Buǵan deıin  Úkimet basshysy mindetin ýaqytsha atqarý Roman Sklárǵa júktelgen edi.

Oljas Bektenov 1980 jyly 13 jeltoqsanda Almaty qalasynda dúnıege kelgen. Mamandyǵy – zańger. Eńbek jolyn Almaty qalasy ádilet basqarmasynda bas mamany bolyp bastaǵan. QR Prezıdent ákimshiligi, Ádilet mınıstrligi,  QR ekonomıkalyq qylmys jáne sybaılas jemqorlyq qarsy kúres agenttiginiń ortalyq apparatynda túrli qyzmet atqarǵan. Al 2022 jyly QR Sybaılas jemqorlyqqa qarsy is-qımyl agenttiginiń tóraǵasy boldy. Sodan keıin QR Prezıdenti Ákimshiliginiń basshysy bolyp taǵaıyndalǵan edi.