Aýdan ortalyǵy Chapaev aýylynan 11 shaqyrym jerde ań aýlaý kezinde 29 jastaǵy er adam abaısyzda ańshy myltyǵynan 17 jastaǵy jasóspirimge qaraı oq atqan.

    - Saldarynan jasóspirim aýrýhanaǵa jatqyzyldy. QR QK 114-baby 3-bóligine (abaısyzda densaýlyqqa aýyr zıan keltirý) sáıkes sotqa deıingi tergeý amaldary júrgizilýde. Atalmysh bap boıynsha aıypty dep tanylǵan adam bir myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne tórt júz saǵatqa deıingi merzimge qoǵamdyq jumystarǵa tartýǵa ne bir jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady, - delingen aqparatta.

    BQO polısıa departamentiniń baspasóz qyzmetinen málim etkenindeı, oqıǵa 3 aqpan kúni Aqjaıyq aýdany aýmaǵynda boldy.