Jańartylǵan saraptama bıyldan bastap qala qurylysy jobalarynyń barlyq túrlerin qamtıtyn bolady, dep habarlady Ónerkásip jáne qurylys mınıstrligi.

Buryn bas josparlar (halqy 100 myń adamnan az qalalarda) jergilikti atqarýshy organ – ákimdikpen aqyldasyp, keshendi saraptamadan ótip jasalsa, endi iri qalalar úshin saraptama ny ortalyq memlekettik organ deńgeıinde jasalady. Buǵan deıin qala qurylysyna qatysty sheshimder ýaqytyly qabyldanbaı, qaǵaz shyǵyn bolyp jatatyn. Sonyń kesirinen josparlaý jobalary men qurylys jobalaryn ákimdikter saraptama júrgizbeı qabyldaıtyn, – delingen habarlamada.

Endi 2024 jylǵy qańtardan bastap barlyq jańadan ázirlengen jáne túzetilgen qala qurylysy jobalary (bas josparlar, PDP jáne qurylys salý jobalary) «bir tereze» qaǵıdaty boıynsha «Memsaraptama» RMK-da keshendi qala qurylysy saraptamasynan ótetin bolady.

Qala jobalaryna saraptama tolyǵymen elektrondyq formatta, www.epsd.kz biryńǵaı portaly arqyly júrgiziledi. Portalda paıdalanýshylardyń qalalyq saraptama qunyn aldyn ala esepteýge jáne ázirlengen qujattama jıyntyǵymen ótinim berýge múmkindigi bar.

«Memsaraptama» RMK-men ózara is-qımyldyń barlyq prosesi shartqa qol qoıýdy, eskertýlerdi túzetýdi, saraptama toby bekitýge usynǵan túpkilikti redaksıada qorytyndy men qala jobasyn alýdy qosa alǵanda, portaldaǵy jeke kabınet arqyly iske asatyn bolady.

Osylaısha, qala jobalarynyń jańartylǵan biryńǵaı qala qurylysy saraptamasy jumys prosesterin avtomattandyrýǵa múmkindik beredi, bul ekonomıkalyq operasıalardyń jáne olardyń monıtorıńiniń ashyqtyǵyna, adamı faktordy barynsha azaıtýǵa ákep soǵady.