Taldyqorǵan ákimdigi Nursultan Nazarbaevtyń eskertkishi ornatylǵan tuǵyrdyń alyp tastalý sebebin túsindirdi. 

Buǵan deıin eks prezıdent eskertkishiniń tuǵyry alyp tastalǵany týraly aqparat taraǵan bolatyn. Barlyq jumys túnde júrgizilgen, sondyqtan qala turǵyndary bul prosesti kórmedi. Atalǵan eskertkish Qańtar oqıǵasynda buzylǵan edi. 

Taldyqorǵan ákimdigi tuǵyrdyń alyp tastalý sebebin aıtyp, onyń qalanyń sáýletine saı kelmeıtinin aıtty.

"Taldyqorǵan ortalyq alańyndaǵy eskertkish tuǵyrynyń buzylýyna baılanysty eskertkishtiń tómengi bóliginiń qaldyqtary qalalyq keńistiktiń sáýletin buzǵandyqtan bólshektelgenin habarlaımyz. Búginde ol jerde qandaı da bir mádenı nysandy qalpyna keltirý nemese salý josparlanbaǵan", - dedi Taldyqorǵan ákiminiń orynbasary Baýyrjan Ábıbekov.