The Telegraph basylymynyń málimetinshe, sońǵy tórt jylda alǵash ret KHDR-ǵa saıahattaýǵa ruqsat alǵan týrıser reseılikter eken. Soltústik Koreıa 2020 jyly Covid-19-dyń taralýyna baılanysty shekarasyn tars bekitken.

KHDR-ǵa tórt kúndik týrdy reseılik týroperatorlardyń biri uıymdastyryp otyrǵany naqtylanady. Onyń aıasynda Vladıvostoktan Phenánǵa jáne Soltústik Koreıanyń Masıkren taý shańǵysy kýrortyna baryp demalýǵa bolady. Sapar quny - bir adamǵa 750 dollar (337,3 myń teńge). Bul somaǵa bes juldyzdy qonaqúıde eki tún jáne tórt juldyzdy qonaqúıde bir tún túneý quny da enedi.

Al Vıkıpedıanyń bul el týraly aqparat bergen paraqshasynyń tóbesinde mynandaı eskertý ilinip tur:

"Soltústik Koreıada týrısik sapar tek ekskýrsıa túrinde júrgiziledi. Jekeleı, óz betimen bul elge barý múmkin emes. Jergilikti zańnyń, júris-turys tártibimen kelispeımin deseńiz, onda bul elge barý raıyńyzdan qaıtqanyńyz jón".