«Ótkende meshitke bardym, ýaǵyz tyńdadym, aınalama zer sala qaradym. Jalpy, maǵan álemniń ár túkpirindegi meshitterde bolý baqyty buıyrypty: Ystambul, Abý-Dabı, Mekke, Ierýsalım, Mysyr deısiz be, bárinde. Qaı qaısysyn alsańyz únemi ishi toly qyj-qyj qaınaǵan jurt, tek juma kúni ǵana emes.

Bir qyzyǵy, ondaǵy adamdardyń qozǵalysy kóshedegi kólikterdiń qozǵalysy sekildi bir retke keltirilgen. Iaǵnı, adamdar bir baǵytpen qana júrip, meshitke kirip-shyǵady. Kóbine kire beriste aıaq-kıim salýǵa arnalǵan paket toly apparat turady, onda da bul adamnyń basqa esikten shyǵyp ketýi úshin yńǵaılanyp jasalǵan. Imam da meshittegi tártipti ýaǵyz arasynda arakidik eske salyp otyrady. Rasynda, adamdardyń bir-birine degen qurmeti ujymdyq minájattyń mańyzdy bóligi emes pe?

Al bizdegi jaǵdaı basqalaý

Esikterdiń úlkendigine qaramastan ony aıqara asha bermeıdi. Onyń ústine VIP, ıaǵnı aıyryqsha qonaqtar degen taǵy bar. Namazdan keıin bar adam aıaq-kıimderin sheship, qoıyp ketken sórege qaraı jappaı umtylady. Naǵyz yǵy-jyǵy sát sol arada bolady.  Odan keıin namaz oqý bastalyp ketse de júris-turys azaımaıdy. Keshigip kelgender oryn izdep álek bolyp jatady. Olarǵa ózgeler kózderin alartyp, tipti ursyp ta beredi.

Qazirgi ımamdardyń ýaǵyzyn tyńdasańyz, kóbine bul emes, arǵy dúnıe týraly kóp aıtady. Búgingi qoǵamdy mazalaıtyn suraqtardy tek janap ótedi. Úıdegi urys-keris, esirtki, lýdomanıa týraly múlde sóz joq. Arab elderinde kóptegen ǵasyr buryn bul taqyryptar ózekti bolǵan shyǵar. Qazir olar muny aıtpaıdy, esesine kez-kelgen mańyzdy ári kúrdeli ómirlik suraqtaryńyzǵa op-ońaı jaýap berip otyrady.

Mine, bizdikiler sodan úırense ǵoı deısiń... Eń quryǵanda, meshitke kirip-shyǵý tártibin bir jónge keltirip alsa jaqsy bolar edi», dep jazypty ol kisi jelide.