Keıbir BAQ ákim-qarardyń 10 mln teńge para alyp jatqan jerinen ustalǵanyn jazady. Al Sybaılas jemqorlyqqa qarsy qyzmet Shapaǵat Áýbákirdiń tek ustalǵanyn ǵana rastady.

"Sybaılas jemqorlyqqa qarsy qyzmet Sátpaev qalasynyń ákimi QR QK 366-b. 2-baby boıynsha sotqa deıingi tergeý sheńberinde ustalǵanyn rastaıdy. QR QPK-niń 201-babyna sáıkes ózge aqparat jarıa etýge jatpaıdy", delingen quzyrly vedomstvo habarlamasynda.

Shapaǵat Áýbákir 1983 jyly týǵan. 2006 jyldan bastap memlekettik qyzmette istep keledi. Sátbaevtyń ekonomıka jáne búdjettik josparlaý bóliminiń bas mamany, "Sátbaev qalasynyń ekonomıka jáne qarjy bólimi" memlekettik mekemesi búdjettik josparlaý sektorynyń meńgerýshisi, "Sátbaev qalasynyń ekonomıka jáne qarjy bóliminiń" basshysy laýazymdaryn atqardy.

2021 jylǵy qazannan bastap qazirgi ýaqytqa deıin Sátbaev ákiminiń orynbasary bolyp jumys istedi.

Al qala ákimi bolyp 2023 jyldyń qańtarynda taǵaıyndalǵan.