Májilis dálizinde Ǵylym jáne joǵary bilim mınıstri Saıasat Nurbekten jýrnalıser qaýymy  Almatydaǵy joǵary oqý oryndarynyń biriniń stýdentterine qatysty WhatsApp-ta taraǵan aqparatqa qatysty pikirin surady.

"Bul, jeke derekterge degen nemquraıly qatynas. Biz atalǵan máseleni óz baqylaýymyzǵa aldyq, óıtkeni bul arada tikeleı zańbuzýshylyq bar. Kináliler qoldanystaǵy zańnama aıasynda jazalanatyn bolady. Bizde jeke derekterdi qorǵaý týraly zań bar. Bul arada ákimshilik quqyq buzýshylyq týraly sóz bolyp otyr», dep Saıasat Nurbek sózin bir qaıyrdy.

Sondaı-aq mınıstr jeke tulǵalar málimetteri qaýipsizidigi máselesin retteýdi qatańdatý qajet degen pikirde.

"Jalpy, bul ádep, mádenıet máselesi. Qansha jeke kýálikti jiberip jatamyz... JOO-da osyndaı faktiler bolǵany, ókinishti. Óte qupıa aqparat bolyp tabylatyn jeke bas jáne jeke málimetter týraly zańnama qatań bolmaıynsha, mádenıet te ózgermeıdi", deıdi ol.