Reseıdegi Jazany óteý boıynsha federaldyq qyzmet 19 jylǵa sottalǵan reseılik opozısıalyq saıasatker Alekseı Navalnyı qaıtys bolǵanyn habarlady, dep jazdy VVS-diń orys qyzmeti.
"16.02.2024 jyly № 3 túzetý mekemesinde sottalýshy Navalnyı ózin jaısyz sezinip, birden esinen tanyp qaldy" delingen federaldyq qyzmet habarlamasynda.
Habarlamada birden jetken medısına mamandary eshteńe isteı almaǵany, ólim sebebi anyqtalyp jatqany aıtylady.
Navalnyıdyń baspasóz hatshysy Kıra Iarmysh saıasatkerdiń ólgenin rastaǵan joq, tek anyqtap jatqanyn jetkizdi.
Pýtınniń oponenti, opozısıalyq saıasatker Alekseı Navalnyı byltyr ekstremıstik is boıynsha 19 jylǵa sottalyp, jazasyn Vladımır oblysynda qatań rejımdegi kolonıada ótep jatqan.
Pikir qaldyrý