Qańtar aıynda iz-tússiz ketken Baıanaýyl ulttyq tabıǵı baǵynyń qyzmetkeri Qýandyq Ábýkenovtiń  máıiti 5 qańtarda, kúndiz Jańatilek aýylynan 18 shaqyrym tusta tabyldy, dep habarlaıdy Pavlodar oblysy Baıanaýyl aýdandyq IID.  Parktiń ǵylym, týrızm jáne aǵartý bóliminiń bastyǵy Q.Ábýkenov. 20 qańtar kúni Muryntal ýchaskesinde josparly jumystar atqaryp júrgen bolatyn. Jańatilekte qonýǵa qalǵan. Úıden túngi 03:00-de shyǵyp ketken. Osydan keıin ony eshkim kórmegen.  Izdestirý sharalaryna TJM-niń "Qazáýequtqarý" mekemesiniń Mı-171 tikushaǵy, 32 adam, 8 tehnıka tartyldy, sondaı-aq týǵan-týystary men Baıanaýyl turǵyndary qatysty. Onyń kıiminen jeke qujattary tabyldy. Park qyzmetkerleri máıittiń tulǵasyn anyqtady. Onyń ólimine ne sebep bolǵanyn sot-medısınalyq saraptamasy kórsetedi.