QazAqparat agenttiginiń habarlaýynsha, 2016 jyly Qazaqstan jylyna 100 myń avtomobıl shyǵarady. Búgin QR Indýstrıa jáne jańa tehnologıalar mınıstrliginiń alqa májilisinde Premer-Mınıstr Serik Ahmetov osylaı dedi.
«2016 jyly shamamen 100 myń avtomobıl shyǵaratyn bolamyz. Buǵan deıin Qazaqstan mundaı kólemde ónim shyǵarǵan emes. Bul ónimniń 50 paıyzy eksportqa shyǵarylýy tıis», - dedi ol. Aıta keteıik, alqa májilisinde Indýstrıa jáne jańa tehnologıalar mınıstri Áset Isekeshev bıyl avtomobıl óndirisinde 60 myń kólik shyǵarý josparlanǵanyn atap ótken edi. Sondaı-aq, aǵymdaǵy jyly otandyq naryqqa Toıoto kompanıasy jobasy boıynsha alǵashqy jol talǵamaıtyn kólik shyǵarylatyn bolady.
Mınıstrliktiń aqparatyna qaraǵanda, ótken jyly elimizde 38 myńǵa jýyq jeńil kólik pen 922 avtobýs shyǵaryldy. Óndiris kólemi 850 mlrd. teńgeden asty.
"Qamshy" silteıdi
Pikir qaldyrý