Qujat 11 naýryzdan bastap kúshine enedi. Erejede qazaqstandyqtar zeınetaqy jınaqtaryn qandaı maqsatta paıdalana alatyny aıtylǵan:

• Turǵyn úıdi nemese jer ýchaskesin qolma-qol aqshamen, ıaǵnı ıpotekasyz satyp alý;
• Turǵyn úı satyp alý úshin ıpotekalyq qaryz alýǵa bastapqy jarnany quıý, ıpotekanyń bereshegin ishinara nemese tolyq óteý;
• Ipotekalyq nesıe alý maqsatynda jınaqqa jarnany tolyqtyrý;
• Ipoteka boıynsha bereshekti ishinara nemese tolyq óteý;
• Islam bankiniń qarjylandyrýy negizinde turǵyn úı satyp alý, qaryzdy ishinara, tolyq óteý;
• Áleýmettik baǵdarlamalar arqyly jaldamaly túrde berilgen úıdi berilgen jekeshelendirý, bólip tóleý arqyly satyp alý-satý;
• Jeke turǵyn úıdiń qurylysyna aqsha alýǵa bolady.

Aıta keteri, jubaıy men jaqyndarynyń, týystarynyń jınaǵyn paıdalanýǵa bolmaıdy.

Biryńǵaı zeınetaqy qorynyń baspasóz qyzmetti ótinishtiń qalaı qaralatynyn túsindirdi. 

“Ýákiletti operator tólemge ótinish pen qujattardy qarap, maquldaǵannan keıin eki jumys kúni ishinde BJZQ-ǵa tirkelgen tólem týraly habarlama jiberedi. Habarlamany alǵan kúnnen bastap bes jumys kúni ishinde ótinimde kórsetilgen somasyn dollarmen bank shotyna aýdarady. Nysanaly jınaq alýshy nemese onyń zańdy ókili bank shotyna túsken tólem somasyn 45 jumys kúni ishinde operatorǵa aqsha qarajatyn paıdalaný maqsatyn rastaıtyn qujattardy usynady”, – delingen vedomostvo aqparatynda.