Úkimet otyrysynda Premer-mınıstr Oljas Bektenov Almatydaǵy jer silkinisi týraly sóz qozǵady.

– Kórip otyrǵanymyzdaı, Tótenshe jaǵdaılar mınıstrligi, ákimdik jáne basqa da memlekettik organdar oryn alǵan jaǵdaıǵa qatysty shuǵyl áreket ete bildi. Bul joly dabyl sırenasy men halyqty qulaqtandyrý júıesi ýaqytyly iske qosyldy. Qala halqy qabyldaý pýnktterine evakýasıalandy. Baǵymyzǵa qaraı, aıtarlyqtaı zardaptar bolǵan joq. Qazir oryn alǵan jaǵdaıdy esepteý-baǵalaý jumystary jalǵasýda, – dedi Oljas Bektenov.

Úkimet basshysy Tótenshe jaǵdaılar mınıstrligi eldegi seısmologıalyq ahýalǵa turaqty monıtorıńti qamtamasyz etýi kerek ekenin atap ótti.

– Kúshter men quraldar saqadaı saı bolýǵa tıis. Halyqpen aqparattyq túsindirý jumystaryn jalǵastyrý qajet. Sondaı-aq Tótenshe jaǵdaılar mınıstrligi elimizdiń taýly aımaqtarynda sel jáne laı kóshkini júrý qaýpine qatysty tıisti monıtorıńti qamtamasyz etýi kerek. Tótenshe jaǵdaı qaýpi týyndaǵan kezde shuǵyl áreket etý sharalaryn qabyldańyzdar, – dedi Oljas Bektenov.