Áleýmettik jelilerde qoǵam belsendisi, kópbalaly ana Sandýǵash Turlybekovany polısıa ustap áketip bara jatqany beınelengen foto tarady.

Osyǵan oraı Qyzylorda oblysy polısıa departamenti málimdeme jasady.

"Atalǵan derek boıynsha Qyzylorda oblysynyń polısıa departamenti qylmystyq is qozǵady. Qazir tergep-tekserý áreketteri júrip jatyr" dep qysqa qaıyrdy vedomstvo.

Eske sala ketsek, birneshe jyl buryn Qyzylorda oblysynyń eks-ákimi Gúlshara Ábdihalyqova Jańaqorǵan aýdanyna jumys saparymen barǵan. Sol kezde polıseıler ákim keledi dep joldy jaýyp, kólikterdi júrgizbeı qoıǵan. Bul jaǵdaıǵa ashýlanǵan qyzylordalyq turǵyn aýdan aralap júrgen óńir basshysyna baryp «Joldy jabatyn hannyń qyzysyz ba?» dep narazylyq bildirgen. Bul jaǵdaı áleýmettik jelilerde qyzý talqylanǵan bolatyn.