– Qazirgi tańda Iandeks kompanıasymen pılottyq joba iske asyryp jatyrmyz. Onyń basty maqsaty – kóleńkeli ekonomıkada salyq tólemeı, tirkelmeı júrgen taksı júrgizýshilerin zańdy alańǵa shyǵaryp olardy tirkeý. Qazaqstanda keıingi eki aıda 10 myńǵa jýyq taksı júrgizýshileri pılottyq jobamen tirkelip, salyq tólep jatyr. Saraptama júrgizý kezinde baıqadyq, áleýmettik máseleleri de bar eken. Alıment, nesıe tólemegender azamattar da bar, – dedi vıse-mınıstr.

Sonymen qatar ol bul suraqty ókiletti organdarmen birge qaralyp jatqandyǵyn aıtady.

– Jańa salyq kodeksi sheńberinde jańa rejım platformalyq jumys berý rejımin engizgeli jatyrmyz. Onyń tıimdigi – taksı júrgizýshisi, kýrer bolyp jumys isteıtin azamattar salyq tóleýshi jeke kásipker retinde tirkelmese bolady degen usynys jasap jatyrmyz. Olar úshin agent retinde tólemdi operatorlar jasaý kerek degen usynys bar, – deıdi.

Vıse-mınıstr depýtattar qoldasa, bul norma kelesi jyldan bastap kúshine enetinen aıtty.